Një grabitje nën kërcënimin e armës ka ndodhur në një institucion mikrofinanciar në Prishtinë.
Zëdhënësja e Policisë për rajonin e Prishtinës, Flora Ahmeti, ka thënë për KOHËN se një person dyshohet se ka grabitur një shumë parash.
Rasti ka ndodhur gjatë pasdites të së enjtes në rrugën “Robert Doll”.
“Sot rreth orës 16:00 është raportuar për një grabitje të ndodhur në një institucion mikrofinanciar në rrugën ‘Robert Doll’ në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një person i dyshuar nën kërcënim të armës ka grabitur një shumë parash”, ka thënë ajo.
Policia po kryen veprimet e nevojshme me qëllim të zbardhjes së rrethanave të rastit, si dhe identifikimin dhe arrestimin e të dyshuarit.
-
Grabitje e armatosur në një institucion mikrofinanciar në Prishtinë, arrestohet njëri nga të dyshuarit
-
Një person i armatosur e me maskë grabit një institucion mikrofinanciar në Prishtinë
-
Dy të huajve në Prishtinë u grabiten të holla nën kërcënimin e armës dhe thikës
-
Një grua grabitet në mes të ditës në Prishtinë
-
Qytetarit në Prishtinë i grabiten para dhe telefoni nga gjashtë të dyshuar