Policia shqiptare ka sekuestruar një sasi mallrash kontrabandë dhe është vënë në kërkim të katër shtetasve, prej tyre dy doganierë në Qafë-Botë të Sarandës.
Mallrat janë sekuestruar në kufirin shtetëror shqiptar prej Pikës së Kalimit Kufitar në Qafë-Botë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKonkretisht është sekuestruar mjeti kamion tip ''Benz'' me të cilin bëhej kalimi i mallrave në Shqipëri, gjithashtu në brendësi të kamionit janë sekuestruar nga policia në cilësinë e provës materiale rreth 140 thasë me veshje, 9 televizorë, si edhe sende shtëpiake si lavatriçe, dollap, dyshekë, tapete etj.
Si autor të kësaj veprimtarie të kundërligjshme kanë rezultuar shtetasit: K.S., S.M., dhe A.C., E.D., doganierë në PKK Qafë-Botë që kanë bashkëpunuar dhe kanë lejuar kalimin dhe futjen e këtyre mallrave pa i deklaruar.
Të katërt shtetasit e përfshirë në këtë veprimtari të paligjshme janë shpallur në kërkim pasi janë larguar në momentin kur kanë kuptuar se policia po zhvillonte një hetim dhe u ishte vënë në ndjekje.