Një operacion i madh i policisë Metropolitane dhe Agjencisë Kombëtare kundër Krimit (NCA) ka arrestuar një grup të organizuar kriminal, mes tyre edhe disa shqiptarë të cilëve iu kap sasia rekord prej 2.3 tonë kokainë.
Top Channel mëson se mes 10 personave të arrestuar janë edhe shqiptarët B.K., 28 vjeç dhe Gj. D., 30 vjeç.
Në përbërje të kësaj organizate kriminale kishte edhe lituanez dhe rumun.
Kokaina me vlerë 148 milionë sterlina nëse do të shitej në rrugë kishte mbërritur me kuti bananesh nga Kolumbia në portin Portsmouth International të shtunën e 14 shkurtit.
Pasi e kanë nxjerrë drogën nga porti e çuan në një magazinë në lagjen Tottenham në veri të Londrës.
Pak minuta më pas kanë ndërhyrë oficerët e NCA-së duke bërë arrestimet.
Edhe
300 kg kokainë gjenden në dërgesën e bananeve në Greqi
Pesë anëtarë të tjerë të grupit u kapën në një tjetër magazinë në Enfield.
Kjo është sasia me e madhe kapur ndonjëherë në Britaninë e Madhe.
