Dy mjete shpërthyese kanë eksploduar në mbrëmjen e së shtunës në rrugën “Asllan Pireva” në Prishtinë, sipas informatave të para të Policisë së Kosovës.
Siç bëhet e ditur në një komunikatë për media nga PK-ja, menjëherë pasi është marrë informata për detonime, në vendin e ngjarjes kanë dalë njësitet e sigurisë dhe ato hetimore-ekzaminuese.
Sipas informatave, nga shpërthimi s’ka të lënduar. Ka dëme materiale.
Policia ka thënë se aktualisht po heton rrethanat e rastit.
