Policia e Kosovës, konkretisht Njësia për Hetimin e Krimeve Ekonomike dhe Korrupsionit në Gjilan njofton se pas një pune operative profesionale në teren ka siguruar informacione se dy persona të dyshuar meshkuj me iniciale Q.A (1953) dhe SH.B. (1964), merren me falsifikim dhe shpërndarje të parave.
Sipas njoftimit, hetuesit rajonal për hetimin e krimeve ekonomike dhe korrupsionit në PK, në koordinim dhe bashkërendim me prokurorinë kompetente në Gjilan kanë siguruar bazën ligjore për aplikimin e masave të përcaktuara me ligj dhe me datë 27.09.2019, është realizuar një operacion për kapjen e personave të dyshuar.
“Si rezultat i këtij operacioni policor dy personat e dyshuar është arrit të ndalohen në Suharekë dhe gjatë kontrollimit tek i dyshuari Q.A. (1953), janë gjetur dhe sekuestruar kartëmonedha (196 X 50), ose shuma e përgjithshme 9800 Euro, që dyshohet se janë të zhytura-ngjyrosura dhe supozohet se janë para të grabitura”, thuhet në njoftim.
Si vazhdimësi e operacionit policor janë kryer edhe bastisje në lokacionet e të dyshuarve në Prizren dhe Sallagrazhd, përderisa me urdhër të prokurorit kompetent ndaj dy të arrestuarve është caktuar masa e ndalimit policor për 48 orë, për procedura të mëtejme.
-
Dy të arrestuar në Prishtinë për 40 mijë euro të falsifikuara
-
Sekuestrohen mijëra euro false në një operacion policor në Prishtinë
-
Policia konfiskon 105 mijë euro në rajonin e Gjilanit, dyshohen si të falsifikuara
-
Dy persona arrestohen për “falsifikim parash”, konfiskohen mbi 25 mijë euro
-
Arrestohen dy të dyshuar për shitje të parave të falsifikuara përmes Tiktokut