Gjykata Themelore në Ferizaj e ka dënuar me tre vjet burgim M.G. i cili dyshohet për veprën vrasje në tentativë.
I pandehuri akuzohet se më tre korrik të 2020-s kishte shkuar në lokalin e V.R. kinse për të blerë akull, mirëpo për shkak të një mosmarrëveshjeje, e ka sulmuar me thikë duke i shkaktuar lëndime në pjesën e kraharorit, në fytyrë, mbrapa kokës, në dorën e majtë dhe duke ia thyer dy brinjë.
“Kundër këtij aktgjykimi, palët kanë të drejtë ankese në afat prej pesëmbëdhjetë (15) ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt”, thuhet në njoftim.
