Një kosovar 47-vjeçar ka mbetur i vdekur pas një zënke në familje në mëngjesin e sotëm në Cyrih, ndërsa janë lënduar dy gra. Për gratë thuhet se bëhet fjalë për bashkëshorten e tij 50-vjeçare dhe vajzën 18-vjeçare.
47-vjeçari vdiq në shtëpi, ndërsa dy gratë janë dërguar në spital me lëndime.
Siç mëson “20Minuten”, bëhet fjalë për një 47-vjeçar, që është lindur në Kosovë dhe është marrë me biznes të veturave për 20 vjet.
“Unë e njoh atë dhe familjen e tij gjatë”, ka thënë një nga punëtorët e M.B. “Kurrë nuk ka pasur zënka. Ishin njerëz shumë paqësor. Është e trishtueshme çfarë ka ndodhur”.
Siç ka rrëfyer ai, B. kishte ardhur si 16-vjeçar nga Kosova në Zvicër dhe me bashkëshorten kishte dy fëmijë, një dal e një vajzë.
“Janë njerëz shumë të mirë. Djali po studion dhe e ka kompaninë e tij”, ka thënë punonjësi. Edhe vajza e tij ka thënë se planifikonte të studionte e bashkëshortja punonte në firmën e B.
Edhe
Kosovari në Cyrich u vra nga e bija e tij
Në Facebook B. kishte postuar në të kaluarën shumë foto me familjen. Para 15 orëve kishte postuar një foto duke tymosur një cigare.
Sipas Policisë së Cyrihut motivet dhe rrjedha e ngjarjeve janë ende të paqarta dhe po hetohet nga prokuroria publike, Instituti i Mjekësisë Ligjore dhe Policia Kantonale e Cyrihut. Specialistët e Institutit të Forenzikës janë ftuar për të marrë prova.
