Anëtarët e një bande shqiptare të drogës janë dënuar me burg në Britani, pasi autoritetet u gjetën një sasi kokaine me vlerë më shumë se 4 milionë funte.
Kreu i grupit, Mark Gurini u arrestua në një pikë karburanti pranë shtëpisë së tij në Buckhurst Hill, shtatorin e shkuar pas një hetimi të kryer nga Agjencia Kombëtare e Krimit dhe Policia Metropolitane.
Oficerët kontrolluan fillimisht makinën e 26-vjeçarit, ku gjetën të fshehur 2 kilogramë kokainë dhe një mjet identifikimi italian të falsifikuar.
Ndërsa nga kontrolli në apartamentin e tij në Queens, Gurinit iu gjetën 49 kilogramë kokainë, si dhe prova të tjera që treguan se banda e përdorte pronën si bazë për aktivitetin e tyre kriminal.
Ndër to përfshihej një sasi prej 100 mijë funte kesh, një peshore, si dhe pajisje të tjera për paketimin e drogës.
Më herët, po gjatë atij muaji, autoritetet kishin vënë në pranga dy pjesëtarë të tjerë të bandës, shqiptarin Arbian Çelaj, 25 vjeç, dhe 22-vjeçarin Abubaker Mohamed.
Edhe
U kapën me 81 kg kokainë, dënohen dy shqiptarë në Britani
Secilit prej tyre iu gjet nga 1 kilogram kokainë. E gjithë droga e sekuestruar nga ky operacion, përllogaritet se do se kapte vlerën e rreth 4.2 milionë funte, nëse do të hidhej në treg.
Të tre të pandehurit u shpallën fajtorë të premten, teksa dolën në gjykatën e Blackfriars. Gurini u dënua me 8 vjet burg, Çelaj me 5 vjet, ndërsa Mohamed me 3 vjet heqje lirie.
