Njësia Antidrogë e Policisë së Kosovës ka bastisur të mërkurën një lokacion në fshatin Leshak të Leposaviqit.
Pas bastisjes, ka sekuestruar 4 granata dore, 12 mijë euro, 1 kallashnikov me 200 fishekë të ndryshëm, radiolidhje e pajisje të tjera ndihmëse për trazira.
Në njoftimin e ministrit të Punëve të Brendshme, Xhelal Sveçla, u tha se është arrestuar një person i nacionalitetit serb, derisa dyshohet se këto pajisje janë pjesë e aktiviteteve ilegale dhe kriminale.
Sveçla shkroi se aksioni është duke vazhduar.
“Mbesim të përkushtuar maksimalisht që në koordinim me të gjitha institucionet e sigurisë të veprojmë në zbatim të ligjit në tërë territorin e Republikës së Kosovës. Pa asnjë dallim do të veprojmë mbi çdo individ apo grup të caktuar që synon të cenojë rendin, ligjin dhe sigurinë e qytetarëve dhe vendit tonë”, thuhet në njoftim.
-
Policia konfiskon kallashinkov, bomba tymuese dhe municion në Leposaviq e Vushtrri
-
Sërish gjenden armë e uniforma ushtarake serbe në veri
-
Bastisen gjashtë lokacione në Zubin-Potok, sekuestrohet armatim i llojeve të ndryshme
-
Arrestohet një person në Mitrovicë, i sekuestrohen armë, municion dhe drogë
-
Theri me thikë një person, Policia gjen armë e granata në shtëpinë e serbit në veri të Mitrovicës