Arrestohet një i dyshuar për disa grabitje të armatosura

Hetuesit policorë të kryeqytetit kanë arrestuar një të dyshuar për së paku shtatë raste të grabitjeve dhe tentim grabitjeve të armatosura. 

I dyshuari u arrestua të martën, 18 shkurt. Policia ka thënë se grabitjet kanë ndodhur kohët e fundit në Prishtinë. 

“Ndaj personit të  dyshuar me aktvendim të nxjerrë nga ana e prokurorit të shtetit, është shqiptuar masa e ndalimit policor prej 48 orësh. Aktualisht po vazhdon puna hetimore në koordinim edhe me Hetuesit Rajonal, për zbardhjen e plotë të dyshimeve të ngritura për implikimin e të dyshuarit edhe në disa raste të tjera që po hetohen nga ana e policisë”, njoftoi PK.