Një person është arrestuar në fshatin Rrogoqicë të Kamenicës nën dyshimin se ishte prezantuar rrejshëm si inspektor i nivelit qendror.
Ai kishte shkuar te një biznes duke i kërkuar pronares 400 euro nën pretekstin për t’ia rregulluar dokumentacionin, duke e kërcënuar se në të kundërtën do t’i shqiptojë gjobë 11 mijë euro.
Në lidhje me rastin, policia ka njoftuar se është konsultuar prokurori i shtetit që ka rekomanduar që i dyshuari të dërgohet në mbajtje.
