Arrestohet i dyshuari për shitje të barnave të kontrabanduara në Prishtinë

Një person është arrestuar të martën në Prishtinë, nën dyshimin se ka shitur barna të kontrabanduara.
Policia ka njoftuar se i dyshuari ka kryer veprën penale “Prodhimi dhe shpërndarja e produkteve të dëmshme mjekësore”.

Në njoftimin e Policisë, thuhet se përveç barnave pa banderola të Republikës së Kosovës janë hasur edhe barna me banderola të produkteve të tjera, të cilat nuk kanë përkuar me produktet që i kanë pasur të vendosura.

“...e të cilat u janë shmangur kontrolleve të nevojshme në vendin tonë në aspektin e cilësisë si dhe u janë shmangur taksave doganore dhe pagesave tjera të obliguara nga organet kompetente”, thuhet në komunikatë. 

I dyshuari është dërguar në mbajtje për 48-orë.