Është arrestuar edhe një person që dyshohet se me një grup falsifikonin dokumente. Policia e Kosovës ka thënë se Sh.E. është dërguar në mbajtje për 48 orë.
Muaj më parë sektori për Hetimin e Krimeve Ekonomike, në koordinim me njësitë e rendit të Policisë së Kosovës, kishte ndërmarrë një operacion që pati rezultuar me zbulimin dhe sekuestrimin e një sasie të madhe të dokumenteve të zbrazëta (blanko) të shteteve të ndryshme dhe pajisjeve që shërbejnë për prodhimin e dokumenteve të falsifikuara.
Në janar të këtij viti njësitë e Policisë në Prishtinë kishin ndaluar një automjet me targa vendore, që drejtohej nga i dyshuari me inicialet F.K., ku gjatë kontrollit ishte zbuluar sasia e madhe e dokumenteve të zbrazëta.
“Pas hetimeve të mëtejme, në të njëjtën ditë, në një shtëpi të dyshuar në lagjen Veternik të Prishtinës është zbuluar një laborator i pajisur me makina të ndryshme lazerike, printerë dhe pajisje të tjera që përdoren për prodhimin e dokumenteve të falsifikuara, si dhe dokumente blanko me kopertina të shteteve të ndryshme të Evropës dhe botës”, thuhet në komunikatën e PK-së.
-
Tre të arrestuar, dyshohet se falsifikonin dokumente evropiane për të kërkuarit ndërkombëtarisht
-
Dy të dyshuar për keqpërdorim të pozitës zyrtare dhe falsifikim dokumentesh, njëri arrestohet
-
Me dokumente false ia barti pronën e dikujt personave të tjerë, arrestohet
-
Arrestohet i dyshuari për falsifikim dokumentesh dhe mashtrim me prona të AKP-së
-
Arrestohet në Bërnjak një i dyshuar për falsifikim dokumentesh dhe pjesëmarrje në grup kriminal