Më 27 gusht 2019, rreth orës 16:00 Policia e Kosovës (PK) përmes rrugëve operative ka pranuar një informacion se një veturë e llojit “Pezho” me targa RKS, bënte vozitje të rrezikshme dhe të pa kontrolluar, bëhet e ditur përmes një komunikate për media.
Policia shton se sipas informacioneve vetura ishte duke lëvizur në rrugën magjistrale Gjilan-Prishtinë, në afërsi të fshatit Llajshec. Policia e Kosovës, me njësitet e trafikut rajonal kanë ndërmarr veprimet e menjëhershme ku kanë arrit ta identifikojnë dhe njëherësh ta ndalojnë veturën në fjalë të cilën e drejtonte vozitësja femër, serbe shtetase e Kosovës.
Nga zyrtarët policorë të cilët i janë përgjigjur rastit është vërejtur se vozitësja ka tregu shenja se ishte nën ndikim të alkoolit, ishte jo stabile dhe me sjellje të pakontrolluara dhe njëkohësisht pa ndërprerë ka fyer dhe ofenduar zyrtarët policorë, për të cilat PK-ja posedon dëshmi.
“Për shkaqe sigurie të vet vozitëses dhe pjesëmarrësve tjerë në trafik, Policia e Kosovës konform procedurave ligjore ka tërhequr automjetin nga qarkullimi rrugor, ndërsa vozitësja është dërguar në stacionin policor në Gjilan për të vazhduar me procedurat e mëtutjeshme ligjore”, thuhet në komunikatë.
Vlen të potencohet se vozitësja edhe gjatë qëndrimit në stacion policor ku vazhduar me sjellje të njëjta dhe ka refuzuar në mënyrë kategorike t’i nënshtrohet kontrollit të alkootestit.
Policia e Kosovës lidhur me këtë rast ka njoftuar prokurorin kompetent dhe ndaj të njëjtës (vozitëses) ka shqiptuar gjobën në bazë të Ligjit 05/L-088 të nenit 245 paragrafi 1.1, të ligjit mbi trafikun rrugor.
Policia e Kosovës është institucion i zbatimit të ligjit dhe me qëllim të ruajtjes së rendit dhe sigurisë publike, si dhe sigurisë në trafikun rrugor do të ndërmerr masa ndaj të gjithë shkelësve të ligjit pa dallime.