Arrestohen tre persona për vepra të ndryshme kriminale

Tre persona në Gjilan të përfshirë në veprimtari kriminale janë arrestuar në raste të ndara.

Sipas njoftimit nga Policia, një i dyshuar S. R., është arrestuar lidhur me rastin “Blerja, posedimi, shpërndarja, e paautorizuar e narkotikeve, substancave psikotrope dhe analoge”, pasi tek i njëjti është gjetur sasi e substancave narkotike e dyshuar mariuhanë në sasi 11.89.gr.

Në rastin e dytë i dyshuari është arrestuar në fshatin Uglar për “Mbajtja në pronësi, kontroll apo posedim i paautorizuar i armëve”, pasi i njëjti kishte hyrë në një lokal me armë. Sipas njoftimit, i dyshuari me të vërejtur njësinë policore, ka hedhur armen nën tavoline dhe ka ikur e që më pas është kapur nga Policia.

Edhe rasti i tretë është në Uglar ku është arrestuar personi i dyshuar për rastin “Organizim i skemave piramidale dhe bixhozit të paligjshëm”, pasi i njëjti në cilësinë e pronarit të lokalit, ka lejuar dhe mundësuar që të zhvillohen veprimtari të skemave piramidale, bixhozit dhe lojërave te tjera te fatit.