Arrestohen dy persona në Gjilan, s’u binden urdhrave të Policisë

Dy persona janë arrestuar në Gjilan, pasi janë përleshur dhe kanë kundërshtuar urdhrat e Policisë.

Sipas njoftimit, pasi janë ndalur me veturën e tyre me targa vendore i kanë kundërshtuar zyrtarët policor me ç ‘rast njëri nga të dyshuarit dhe një zyrtar policor kanë pësuar lëndime për çka edhe kanë marrë tretman mjekësor në spitalin e Gjilanit e më pas janë liruar.

Me urdhër të gjyqtarit janë bastisur shtëpitë e të dyshuarve ku janë gjetur dhe sekuestruar: 2.7 gram substancë narkotike e llojit marihuanë, 0.7 gram substancë narkotike e llojit kokainë, 402 €, një pistoletë me gas, një karikator me katër fishek me gas, një peshore digjitale, katër qese te plasmanit me mbështjellëse të telefonit dhe një kovë plastike me mbështjellëse të telefonit.

Në lidhje me rastin është konsultuar prokurori i shtetit me urdhër të së cilit të dyshuarit dërgohen në mbajtje për 48 orë. Rasti vazhdon të hetohet.