Arrestohen dy mitrovicas për tri vepra penale

Policia e Kosovës i ka arrestuar të enjten dy persona në Mitrovicë, me dyshimin se kanë kryer veprat penale “lëndim i lehtë trupor”, “armëmbajtje pa leje” dhe “dëmtim i pasurisë”.

Sipas njoftimit policor, A.TH. dhe E.TH., të dy 24-vjeçarë, dyshohen se më 4 prill të këtij viti, nën kërcënimin e armës e kanë sulmuar një person, duke i shkaktuar lëndime trupore.

Të dyshuarve iu është sekuestruar një pushkë automatike, derisa me vendim të prokurorit janë ndaluar për 48 orë.