Gjykata Themelore në Ferizaj ka aprovuar masën e arrestit shtëpiak ndaj të pandehurit N.K. për shkak të dyshimit të bazuar se ka kryer veprën penale shantazh në tentativë.
N.K. akuzohet se më 13 nëntor në Ferizaj, me qëllim të përfitimit të dobisë pasurore për vete, ka shantazhuar një person, duke e kërcënuar se do t’ia publikojë mesazhet e tij me një nxënëse në rrjete sociale, nëse nuk paguan atë që i kërkon.
N.K. i ka kërkuar të dyshuarit 5000 euro ose veturën xhip.
Gjykata i ka caktuar N.K. masën e arrestit shtëpiak prej një muaji.
“Gjyqtari i procedurës paraprake, kërkesën e prokurorit të shtetit për caktimin e masës së arrestit shtëpiak kundër të pandehurit e ka aprovuar si të bazuar konform dispozitave të KPPRK-së, dhe të njëjtit i është caktuar masa e arrestit shtëpiak në kohëzgjatje prej një (1) muaj”, thuhet nga Gjykata Themelore në Ferizaj.
-
Arrestohet i dyshuari për kanosjen e të miturit me publikim të fotografive
-
E dyshuara në Ferizaj thotë se e kreu vrasjen në vetëmbrojtje
-
Arrestohet një i dyshuar në Ferizaj pasi rrahu babanë e ish-bashkëshortes
-
Arrestohet një person në Ferizaj për ngacmim seksual dhe sulm ndaj bashkëshortes
-
Arrestohet në flagrancë një i dyshuar për fajde