Katër sulme fizike kanë ndodhur gjatë festimit të Vitit të Ri në disa qytete të ndryshme të Kosovës.
Sipas policisë, shumica e rasteve janë pas orës 24:00, dhe shkaktar kryesor është alkooli.
Një grua e komunitetit rom nga Fushë Kosova, ka raportuar se i dashuri i saj, nën ndikim të alkoolit, e ka sulmuar fizikisht si dhe e ka demoluar shtëpinë.
I dyshuari është arrestuar dhe me vendim të prokurorit është dërguar në mbajtje.
Po ashtu, në Prishtinë një grua ka raportuar se pas një mosmarrëveshje, është sulmuar fizikisht nga bashkëshorti i saj. I njëjti është arrestuar dhe pas intervistimit me vendim të prokurorit është liruar në procedurë të rregullt.
E në Gjilan, është arrestuar i dyshuari mashkull, pasi që i njëjti në gjendje të dehur ka ushtruar dhunë fizike dhe psikike ndaj djalit dhe bashkëshortes së tij.
Edhe
Pesë raste të dhunës në familje të raportuara për 24 orë në Kosovë
Viktima mashkull ka pranuar trajtim mjekësor, ndërsa, i dyshuari me vendim të prokurorit është dërguar në mbajtje .
Në Pejë, është arrestuar i dyshuari mashkull i cili nën ndikim të alkoolit, kishte sulmuar vëllain e tij.
Me urdhër të prokurorit kujdestar i dyshuari është ndaluar në ndalim policor.
