Prokuroria Themelore në Prizren ka ngritur aktakuzë kundër të pandehurit A.K., për shkak të dyshimit se ka kryer veprën penale “Falsifikimi i parasë”.
Sipas aktakuzës, i pandehuri me dashje dhe duke e ditur se paraja është e falsifikuar, e ka poseduar të njëjtën me qëllim që më pas ta vë në qarkullim si të vërtetë.
Njoftohet se i njëjti a hyrë në një lokal, pronar i të cilit është H.M., nga Prizreni, duke marrë një pako të cigareve ‘’Marlboro’’. Ai ka bërë pagesën me kartëmonedhën në shumën prej 100 euro dhe është larguar nga vendi i ngjarjes duke e marrë kusurin me vete.
“Po ashtu, me datë 18.09.2021, rreth orës 08:20 në Prizren, i pandehuri A.K., hyn në një market – pronar i të cilit është N.M., nga Prizreni, merr dy pako të cigareve dhe bën pagesën me kartëmonedhën në shumën prej 100 € (njëqind euro) dhe largohet nga vendi i ngjarjes duke e marrë kusurin me vete. Në të dyja rastet, është vërtetuar se kartëmodhat janë falsifikim i plotë, përmes raportit të ekspertimit të datës 17.11.2021 nga Agjensioni i Kosovës për Forenzikë”, thuhet në njoftim.
Me këto veprime, i pandehuri A.K., ka përmbushur elementet e veprës penale “Falsifikimi i parasë” sipas KPRK-së.
-
Aktakuzë ndaj dy personave për falsifikim të parave
-
Aktakuzë për të dyshuarin në Prizren që prodhonte para të falsifikuara
-
Aktakuzë ndaj pesë personave për falsifikim të parasë
-
Aktakuzë për falsifikim parash, i akuzuari tentoi t’i fuste në përdorim 105 mijë euro false
-
Policia nis hetim për para false që u pranuan nga 1 qershori deri në nëntor