Prokuroria Themelore në Prizren ka ngritur aktakuzë kundër një të pandehuri i cili aktualisht është në paraburgim për “blerje, posedim, shpërndarje dhe shitje të paautorizuar të narkotikëve, substancave psikotrope dhe analoge”.
Sipas aktakuzës, i pandehuri përmes pikëkalimit kufitar në Vërmicë kishte importuar ilegalisht marihuanë.
I njëjti po e kalonte kufirin me një veturë të marrë me qira.
“Brenda automjetit gjendet dhe sekuestrohet një qese plastike e substancës së dyshuar për narkotikë me peshë prej 101.49 gram dhe gjatë kontrollit një qese tjetër e dyshuar për narkotikë në peshë prej 0.82 gram i është gjetur në trupin e të pandehurit, e gjithë kjo sasi narkotiku në peshë të përgjithshme prej 102.31 gram, e cila pas ekzaminimit dhe ekspertimit nga Laboratori i Agjencisë Kosovare për Forenzikë, rezulton të jetë e llojit ‘kokainë’, përderisa të njëjtën natë gjatë urdhërkontrollit të kryer në shtëpinë e të pandehurit, e cila gjendet në Prishtinë, janë gjetur dhe sekuestruar tri peshore digjitale, tri pako me folie (dy folie të najlonit dhe një e aluminit)”, thuhet në njoftim.
-
Themelorja në Prizren ngre aktakuzë për shitblerje të narkotikëve ndaj shtetasit të Shqipërisë
-
Prokuroria ngreh aktakuzë ndaj personit që shiste substanca narkotike nga shtëpia e tij
-
Aktakuzë ndaj një personi për shitblerje të narkotikëve
-
Aktakuzë për shitblerjen e 4.4 kg kokainë
-
Gjendet kokainë në një veturë që po kalonte kufirin nga Shqipëria, arrestohet i dyshuari