Një grua ka pësuar lëndime trupore në një aksident trafiku në rrugën Bill Clinton.
Zëdhënësja e Policisë, Flora Ahmeti ka konfirmuar për KTV-në se aksidenti ka ndodhur rreth orës 18:20.
“Në aksident ka qenë të përfshira dy automjete. Si pasojë e këtij aksidenti një person ka pësuar lëndime, bëhet fjalë për një grua e cila menjëherë është transportuar për tretman mjekësor në QKUK”, ka thënë Ahmeti.
Ajo ka shtuar se me rastin po merren hetuesit e njësitit të trafikut.
“Aktualisht segmenti rrugor që çon në drejtim të Fushë Kosovës është mbyllur për qarkullim deri në përfundim të ekzaminimit të vendit të ngjarjes”, ka thënë ajo.
Artikuj të ngjashëm