Pesë persona janë lënduar në një aksident trafiku të dielën, në rrugën nacionale Pejë-Prishtinë.
Policia e Kosovës i tha KOHËS se aksidenti ka ndodhur rreth orës 17:20, në fshatin Vragoli të Fushë-Kosovës, ku janë përfshirë pesë vetura.
“Lëndimë trupor kanë kërkuar 5 persona dhe gjendja e tyre është raportuar të jetë stabile për momentin. Si pasojë e aksidentit është krijuar kolonë në drejtim të Prishtinës, pasi qarkullimi është realizuar vetëm në një shirit të rrugës”, i tha KOHËS zëdhënësi i Policisë për rajonin e Prishtinës, Daut Hoxha.
Sipas tij, njësitet e nevojshme policore janë marrë me rastin.