Gjashtë persona kanë mbetur të lënduar rëndë në fshatin Korroticë e Ulët në Drenas pas një aksidenti rrugor mes dy veturave, të dielën në orën 16:00. Policia e Kosovës i ka thënë KOHËS se të lënduarit janë dërguar për trajtim në spital.
“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”, thuhet në njoftimin policor.
Në aksident janë përfshirë dy vetura.
