Aksident me 3 të lënduar në rrugën Gjakovë-Pejë

Tre persona janë lënduar si pasojë e një aksidenti që ka ndodhur të shtunën pasdite në rrugën Gjakovë-Pejë, te lokaliteti Osek Hylë.

Siç ka bërë të ditur Albin Sahatqija, komandant i njësitit rajonal të trafikut në Gjakovë, bëhet fjalë për lëndime të lehta.

Deri te aksidenti, siç ka njoftuar kapiteni Sahatqija, ka ardhur kur automjeti "Pick -Up" që po shkonte në drejtimin Gjakovë-Pejë ka hyrë në tejkalim të pasigurt dhe është ndeshur me një veturë të tipit Golf. Pas përplasjes njëra nga automjetet është rrotulluar.

Merret vesh se 2 nga të lënduarit kanë qenë në veturën Golf ndërsa njëri në automjetin "Pick-Up".