Një aksident me fatalitet ka ndodhur dje në dalje të fshatit Uglar në Gjilan.
Policia nga ky rajon, sot përmes një komunikate për media njofton se ka vdekur një shtetas i Kosovës i lindur në vitin 2000.
19-vjeçi, dyshohet se ishte duke vozitur në shpejtësi të madhe.
“Nga hetimet e para dyshohet se vetura e tipit Opel Vectra me targa 06 duke lëvizur nga Fshati Uglar në drejtim të Gjilanit, me të arritur në dalje të fshatit, dyshohet se duke mos përshtatur shpejtësinë e lëvizjes kushteve të rrugës kthesë në të djathtë kalon në shiritin e majtë qarkullues dhe ndeshet me Veturën e tipit Mercedez me targa KS e cila ishte duke lëvizur nga drejtimi i kundërt”, thuhet në raportin policor, përcjell Koha.net.
Më këtë rast, sipas Policisë, shkaktohet aksidenti ku si pasojë e lëndimeve, vozitësi shqiptar shtetas i Kosovës (viti i lindje 2000), i veturës Veturës Mercedez, humb jetën.
“Lëndime trupore marrin vozitësi i veturës Vektra dhe dy pasagjerët e veturës Mercedes, të cilët me urgjencë janë bartë në spitalin rajonal në Gjilan. Në lidhje me rastin është njoftuar Prokurori i Shtetit i cili urdhëron që trupi i viktimës dërgohet ne IML- Prishtinë për Obduksion. Rasti mbetet nën hetime”, përfundon njoftimi.
