700 gjoba për shkelje të masave anti-COVID në 24 orët e fundit

Policia e Kosovës ka njoftuar se pas ashpërsimit të masave anti-COVID në vend, ka rritur kapacitetet në funksion të realizimit dhe implementimit të masave.

Në një komunikatë për media Policia e Kosovës ka bërë të ditur se vetëm në 24 orëve të fundit ka shqiptuar mbi 700 gjoba për persona juridik dhe persona fizik për mos respektim të masave.

“Kërkojmë nga të gjithë qytetarët, nga institucionet dhe bizneset që të respektojnë vendimet e fundit të marra nga qeveria e vendit, me qëllim që të ruajmë shëndetin publik si dhe pamundësohet përhapja e mëtejme e virusit”, thuhet në komunikatë.

Ndryshe, policia po realizon detyra konkrete në gjithë Kosovën, duke aplikuar kontrolle të përbashkëta në trafik, në transportin e udhëtarëve, në qendra tregtare, lokale afariste etj., përfshirë edhe shqiptimin e gjobave ndaj atyre që nuk zbatojnë këto masa.