Me gjashtë vjet burgim efektiv është dënuar zyrtari policor për veprën “sulm seksual”.
Zyrtari policor i njësitit rajonal të komunikacionit në Gjilan, R.Sh., ishte arrestuar mbi dyshimin se ka kryer sulm seksual ndaj një të miture në Kamenicë. Sipas aktakuzës që i ishte ngritur, që nga muaji nëntor 2020 deri më 20 prill 2021 në intervale të ndryshme kohore, R.Sh., pati ushtruar sulm seksual ndaj viktimës së mitur, nën moshën 16-vjeç, me aftësi të kufizuara mendore.
Zëdhënësi i Gjykatës Themelore të Gjilanit, Sabit Shkodra, ka konfirmuar për KOHËN se ditë më parë të njëjtit i është shqiptuar ky dënim.
“Ju konfirmoj që është dënuar me 6 vjet burgim efektiv zyrtari policor për veprën ‘sulm seksual’”, ka thënë Shkodra duke iu referuar rastit të lartcekur.
I dënuari ishte suspenduar nga detyra zyrtare menjëherë pas arrestimit.
-
Aktakuzë ndaj pjesëtarit të policisë për sulm seksual
-
30 ditë paraburgim zyrtarit policor në Gjilan që dyshohet se sulmoi të miturën seksualisht
-
Prokuroria: Për gjashtë muaj polici në Gjilan ngacmoi seksualisht të miturën
-
Arrestohet një zyrtar policor në Gjilan i dyshuar për sulm seksual ndaj një të miture
-
I paraburgosuri në Kamenicë sulmon zyrtarin policor gjatë transferimit në Klinikën e Psikiatrisë