Të shtëna armësh janë dëgjuar në lagjen “Aktash” në Prishtinë të martën, ka njoftuar Policia e Kosovës.
Zëdhënësja e Policisë për rajonin e Prishtinës, Flora Ahmeti, i ka thënë KOHËS se janë ndërmarrë të gjitha veprimet e nevojshme dhe në rast s’ka persona të lënduar.
Ende nuk ka të arrestuar.
“Sot rreth orës 14:20, kemi marrë informatën për gjuajtje me armë zjarri të ndodhur në rrugën 'Gazmend Zajmi’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nuk ka persona të lënduar”, thuhet në njoftimin e Ahmetit.
