Një person është arrestuar të mërkurën në Gjakovë nën dyshimin se ka hedhur molotov në drejtim të Policisë.
Zëdhënësi i Policisë për këtë rajon, Sheremet Elezaj, ka thënë se i dyshuari ka hedhur lëndë djegëse në disa vetura të Policisë që kanë qenë të parkuara, dy prej të cilave janë përfshirë nga zjarri.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sot rreth orës 17:50, i dyshuari mashkull kosovar i moshës madhore është arrestuar pasi që i njëjti, për motive ende të panjohura, ka hedhur lëndë djegëse në disa vetura të Policisë të cilat kanë qenë të parkuara në parkingun e Njësisë Rajonale të Komunikacionit Rrugor në Gjakovë. Dy vetura janë përfshirë nga zjarri i cili është lokalizuar shumë shpejt”, ka thënë Elezaj.
Lidhur me rastin është njoftuar prokurori i shtetit, me vendimin e të cilit është iniciuar rast "shkaktim i rrezikut të përgjithshëm".