Kronikë

Aksident në Lipjan, vdes një 71-vjeçar

Aksident - Policia e Kosoves

Foto: Ilustrim

Një 71-vjeçar ka vdekur të hënën në një aksident trafiku në Lipjan, ka njoftuar Policia e Kosovës.

Zëdhënësi i Policisë për rajonin e Prishtinës, Agron Borovci, ka njoftuar për KOHËN se në aksident janë përfshirë në veturë dhe një kamion, në rrugën “Ibrahim Rugova”.

Viktima ishte në veturë, e autoritetet policore e kanë arrestuar shoferin e kamionit. Ai është dërguar në mbajtje për 48 orë.

“Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71 vjeç, ka humbur jetën. Përderisa policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti, me urdhër të prokurorit të shtetit vozitësi i kamionit është dërguar në mbajtje prej 48 orësh”, thuhet në njoftimin e Borovcit.