Në Kaçanik dje ka ndodhur një grabitje e armatosur, ku tre persona nën kërcënimin e armës kanë mbyllur në depo rojën e një mobilerie, për të marrë më pas rreth 400 euro.

Këtë e bën të ditur Policia e Kosovës përmes një komunikate për media, derisa thotë se rasti ka ndodhur në ora 00:40 në “Fshati i Vjetër”.

“Është raportuar se viktima, burrë shqiptar, roje në një depo mobilerie është mbyllur në barakë nga tre persona të maskuar dhe nën kërcënimin e armës nga depoja kanë grabitur 300-400 euro dhe janë larguar në drejtim të panjohur”, thuhet në komunikatë.

Nuk raportohet për të lënduar nga ky rast.