Zv.ministri Nerjovaj në Gjykatë, i mohon akuzat për keqpërdorim të detyrës zyrtare

Zëvendësministri i Administratës Publike, Bujar Nerjojvaj, i cili i kishte rënë pishman idesë për pranim të fajësisë të mërkurën, në Gjykatën Themelore në Prizren, i ka mohuar të gjitha akuzat ndaj tij.

Ai ka thënë se ndihet i pafajshëm.

Në shqyrtimin kryesor ndaj tij, Prokuroria ka marrë në pyetje tre dëshmitarë në këtë rast.

Inspektori i Ndërtimtarisë, Ruzhdi Daka, gjithashtu është pyetur se përse nuk ishin rrënuar objektet e hoteleve “Kaqinari” dhe “Centrum”.

Në seancën e radhës, në muajin maj, do të merret në pyetje ish-kryetari i Komunës së Prizrenit, Ramadan Muja.

Bujar Nerjovaj akuzohet për keqpërdorim të detyrës zyrtare sa ishte drejtor i Inspeksionit në Prizren.

Edhe Arbëri 3 qer 2019 Zëvendësministri Nerjovaj shpallet fajtor për keqpërdorim të detyrës zyrtare

Sipas aktakuzës, në këtë cilësi, gjatë periudhës 2011-2013, nuk i ka siguruar kushtet për t’i ekzekutuar rrënimet e katër objekteve hoteliere në afërsi të Sheshit “Shatërvan” në Prizren, në zonën historike të qytetit.

Si shkak i mospagesës së detyrimeve, vlerësohet se buxheti i Komunës së Prizrenit u dëmtua për më shumë se 36 mijë euro.