Aksident trafiku me fatalitet në rrugën Prishtinë – Ferizaj, edhe pesë të lënduar  Foto: Ilustrim

Aksident trafiku me fatalitet në rrugën Prishtinë – Ferizaj, edhe pesë të lënduar

22 December 2018 19:03

Një aksident trafiku me fatalitet ka ndodhur rreth orës 18:00 në rrugën Prishtinë – Ferizaj.

Aksidenti ka ndodhur mes një autobusi e një veture me ç’rast janë lënduar gjashtë persona, me njërin prej tyre që nuk ka arritur t’iu mbijetojë plagëve, ka konfirmuar për Koha.net zëdhënësja e Policisë së Kosovës Flora Ahmeti.

“Rreth orës 18:00 në rrugën Prishtinë – Ferizaj, më saktësisht në fshatin Çallapek, ka ndodhur një aksident trafiku mes një autobusi dhe një veture, ku lëndime kanë pësuar gjashtë persona, njeri nuk ka arritur të përballojë plagët e aksidentit dhe ka ndërruar jetë në vendin e ngjarjes”, ka konfirmuar Ahmeti, për të shtuar se vdekjen e tij e ka konstatuar ekipi mjekësor.

Personat e tjerë janë dërguar për tretman mjekësor, ka thënë ajo.

© KOHA. Të gjitha të drejtat janë të rezervuara.

Komentet

Shto koment

Të ngjashme