Një person në Podujevë është plagosur me armë zjarri në orët e hershme të së shtunës.
Policia e Kosovës, në raportin e saj 24-orësh, ka njoftuar se viktima ishte dërguar në QKUK në Prishtinë, ndërsa kishte plagë nga arma e zjarrit. Dy persona dyshohen për plagosjen e tij, ndërsa ata gjenden në arrati. Rasti është cilësuar “vrasje në tentativë”. Në vendin e ngjarjes janë gjetur një pistoletë me pesë fishekë, dy gëzhoja dhe 7.1 gramë marihuanë.
“Podujevë 03.06.2023 – 00:53 - Viktima mashkull kosovar, është dërguar në QKUK për tretman mjekësor, pasi që është plagosur me armë zjarri nga dy të dyshuar meshkuj kosovar. Në vendin e ngjarjes është konfiskuar një pistoletë me pesë fishekë, dy gëzhoja dhe rreth 7.1 gramë substancë narkotike e llojit marihuanë. Të dyshuarit gjenden në arrati. Rasti është duke u hetuar”, thuhet në raportin e Policisë.
