Një i ri ka vdekur në Suharekë të enjten, pasi sipas Policisë, e ka qëlluar veten me armën e prindit, që është zyrtar policor.
Zëdhënësi i Policisë për rajonin e Prizrenit, Vesel Gashi ka thënë për KOHËN se viktima me inicialet E.K., i lindur në vitin 2004, e ka qëlluar gabimisht veten në kokë, duke marrë lëndime të rënda.
Viktima është transportuar për ndihmë mjekësore në Spitalin Rajonal të Prizrenit, ku është konfirmuar vdekja e tij nga mjeku kujdestar.
“Në vendin e ngjarjes është gjetur dhe është sekuestruar një armëzjarri dhe një gëzhojë. Dyshohet se arma e zjarrit i përket zyrtarit policor të PK-së ( Prindi i viktimës ) i cili gjendej jashtë detyrës zyrtare. Lidhur me rastin njoftohet Prokurori i Shtetit dhe IPK ( Inspektorati Policor i Kosovës) të cilët kanë dalë në vendin e ngjarjes dhe bashkë me zyrtarë të Sektorit Rajonal të Hetimeve të DRP-së të Prizrenit”, thuhet në njoftimin e Gashit.
-
Polici vetëplagoset me armë zyrtare në Suharekë
-
Polici nga Prizreni gjendet i vdekur në varrezat e fshatit Morinë në Shqipëri
-
Vdiq një punëtor në Suharekë, u lëndua nga një pjesë metalike e vinçit
-
“Vetëvrasje” në stacion policor. IPK-ja e rekomandon suspendimin e tre policëve
-
Vdiq një 24-vjeçar në Prizren, dyshohet se vrau veten me armën që e bleu