Policia e Kosovës ka njoftuar se i mituri i dyshuar për vrasjen në tentativë që ka ndodhur më 5 janar në Obiliq, është dorëzuar në Polici.
Sipas njoftimit të Policisë ai është ndalohet në qendrën e mbajtjes dhe është i dyshuari i dytë për rastin.
“Sot nga Njësiti i Hetimeve të Përgjithshme të rajonit të Prishtinës, është intervistuar një person i dyshuar për veprën vrasje në tentativë, që ka ndodhë me datën 05.01.2023, në rrugën ‘Rasim Hashani’, në Obiliq, ku pas një përleshje, nga një mjet i mprehtë (thikë), ka mbetur i lënduar një person. Kërkimet e vazhdueshme nga ana e Policisë, kanë bërë që sot personi i dyshuar mashkull i mitur, të dorëzohet në Polici”, thuhet në njoftimin e Policisë.
Sipas Policisë pas intervistimit në prezencë të avokatit mbrojtës dhe zyrtarit të Qendrës për punë sociale, personi i dyshuar me vendim të prokurorit të shtetit është dërguar në mbajtje.
Policia ka njoftuar se personit të parë të arrestuar më 6 janar, për këtë rast, po për të njëjtën vepër, i është caktuar masa e paraburgimit për 30 ditë.
© KOHA. Të gjitha të drejtat janë të rezervuara.
