Policia e Kosovës është sulmuar me armë mesditën e së shtunës teksa ka qenë duke vendosur një barkë patrulluese në Liqenin e Ujmanit. Nuk ka asnjë të lënduar.
Sipas njoftimit të Policisë, ka pasur afër 10 të shtëna me armë zjarri.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar”, thuhet në njoftimin e njësisë policore të Stacionit Policor për Mbikëqyrjen e Kufirit (SPMK).
Në asistencë të njësisë policore, sipas njoftimit, ka shkuar Njësia e Ndërhyrjes së Shpejtë e Policisë Kufitare.
Policia po vazhdon të vëzhgojë terrenin dhe ta trajtojë rastin.
“Policia e Kosovës mbetet e përkushtuar në ofrimin e sigurisë dhe luftimin e kriminalitetit e me theks të veçantë të kontrabandës në atë zonë”, përfundon njoftimi.
Sulmet ndaj Policisë së Kosovës në veri ka qenë në rritje gjatë muajve të fundit.