Tri automjete janë dëmtuar në rrugën “Dalmatët” në Prishtinë nga një mjet shpërthyes që dyshohet të jetë granatë dore.
Siç ka bërë të ditur zëdhënësi i Policisë, Agron Borovci, Policia menjëherë ka dalë në vendin e ngjarjes, dhe nga informacionet e para dyshohet që ngjarja të ketë ndodhur rreth orës 03:00 , ndërkohë që nuk raportohet për të lënduar.
“Dëmet materiale dyshohet të kenë ardhur si pasojë e shpërthimit të mjetit shpërthyes që dyshohet të jetë granatë dore. Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, thuhet në njoftim.
