Prokuroria Themelore në Prishtinë ka kërkuar masën e paraburgimit ndaj të dyshuarit A.S., i cili akuzohet se në cilësinë e menaxherit të një shitore në Podujevë kishte vjedhur të dhënat e kartelave bankare të klientëve dhe me to kishte blerë kriptovaluta.
Ai akuzohet se ka dëmtuar viktimat me afro 5000 euro.
Prokuroria u ka bërë thirrje qytetarëve që janë dëmtuar të paraqiten në Zyrën e Prokurorit të Shtetit apo në Polici.
“Prokuroria Themelore në Prishtinë, inkurajon të gjithë qytetarët të cilët mund të jenë të dëmtuar në këtë rast, të paraqiten në Zyrën e Prokurorit të Shtetit apo në Policinë e Kosovës, në mënyrë që të bashkëpunojnë dhe të ofrojnë informata, për ta ndriçuar në plotëni këtë çështje penale”, thuhet nga Prokuroria.
