Dy të mitura janë arrestuar në Prizren pasi që një javë më herët kishin kanosur me thikë një tjetër vajzë, ka njoftuar Policia e Kosovës të mërkurën.
Madje, sipas njoftimit nga Policia, të dyshuarat e kishin incizuar momentin dhe publikuar atë në rrjetet sociale.
Të dyshuarat janë dërguar në mbajtje me vendim të prokurorit.
Rasti kishte ndodhur më 18 janar në mesditë.
