Kronikë

Policia Kufitare në Vërmicë gjen drogë të fshehur te motori i një automjeti

Policia e Kosovës ka njoftuar se me datë 04.12.2021 rreth orës 21:05, në pikëkalimin kufitar në Vermicë, nga Shqipëria për në Kosovë ka hyrë një automjet me targa kosovare të cilin e drejtonte shtetasi kosovar me iniciale (Y. S.), viti i lindjes 1994, në Prishtinë.

Pas dyshimeve të bazuara të Policisë automjeti është selektuar për kontroll në vijën dytë.

Gjatë kontrollit më të detajuar nga Policia dhe Dogana e Kosovës, në pjesën e motorit të automjetit është zbuluar një sasi rreth 1 kilogram substancë e dyshuar si marihuan e cila ishte e mbështjellë në një qese najloni.

Lidhur me rastin është njoftuar edhe Prokuroria Themelore në Prizren dhe me vendim të Prokurorit kujdestar i dyshuari dërgohet në mbajtje për 48 orë.

Rasti për hetime të mëtutjeshme adresohet tek Njësia rajonale e hetimeve të antidrogës në Prizren.