Drejtor i shkollës “Yll Morina” në Gjakovë, është ankuar se përmes telefonit është kanosur nga prindi i një nxënësi.
Zëdhënësi i Policisë së Kosovës për rajonin e Gjakovës, Nysret Gjurkaj, ka thënë për KOHËN se ankuesi ka përdorur fjalë fyese e banale kundrejt drejtorit të shkollës, duke e kërcënuar edhe me vdekje.
"Vij aty të mbys, ke me pa çka ka me të gjetë”, kanë qenë disa nga fjalët që i janë thënë drejtorit.
Rasti është iniciuar si “kanosje” dhe i dyshuari pas intervistimit lirohet në procedurë të rregullt.
