Është arrestuar një person në Gjilan për mbajtje në pronësi të armëve dhe shitje të paautorizuar të narkotikëve. Policia e Kosovës ka njoftuar se gjatë bastisjes së shtëpisë së G.A. (1994), janë gjetur e sekuestruar një revolver “Magnum” me 37 fishekë, 67 qese të vogla të plastikës me substancë të dyshuar narkotike, 400 franga zvicerane dhe 90 euro.
I dyshuari është ndaluar për 48 orë.
“Nga njësiti i Antidrogës është bërë testi fushor dhe e njëjta ka rezultuar pozitiv në e llojit marihuanë me peshë të përgjithshme prej 80.6 gramëve e gatshme për shitje. I dyshuari është intervistuar në prezencë të avokatit mbrojtës nga hetuesit e Hetimeve Regjionale dhe hetuesit e DHTN-së në Gjilan. Prokurori i shtetit ka urdhëruar që pas intervistimit i dyshuari të ndalohet për 48 orë, ndërsa rasti të procedohet në të njëjtën prokurori”, thuhet nga Policia e Kosovës.
