Supremja vërteton aktgjykimin dënues të Apelit ndaj Grabovcit dhe dy të tjerëve për rastin “Pronto”

Kolegji i Gjykatës Supreme, në çështjen penale kundër të akuzuarve Adem Grabovci, Ilhami Gashi dhe Sadat Gashi, për shkak të veprave penale shkelja e statusit të barabartë të shtetaseve dhe banorëve të Republikës së Kosovës, duke vendosur lidhur me ankesën Prokurorisë Speciale të Kosovës dhe ankesat e mbrojtësve të të dënuarve, të paraqitura kundër aktgjykimit të Gjykatës së Apelit të Kosovës - Departamenti Special.

Supremja njoftoi se më 29 shtator 2020, me aktgjykimin PA.II.nr.3/2020, refuzoi si të pabazuara ankesat e Prokurorisë Speciale të Kosovës dhe ankesat e mbrojtësve të të akuzuarve, Adem Grabovci, Ilhami Gashi dhe Sadat Gashi, ndërsa e vërtetoi aktgjykimin e Gjykatës së Apelit.