1 perditesime
Kronikë e zezë

Shtatë të lënduar nga aksidenti në autostradën “Ibrahim Rugova”

Shtatë të lënduar nga aksidenti në autostradën “Ibrahim Rugova”
Foto: Faik Hoti / FB
13:16

Shtatë të lënduar nga aksidenti në autostradën “Ibrahim Rugova”

Policia e Kosovës ka konfirmuar se nga aksidenti në autostradën “Ibrahim Rugova” shtatë persona kanë mbetur të lënduar.

Zëdhënësi i Policisë Baki Kelani, i tha KOHËS se njësitet policore po vazhdojnë të merren me hetime.

“Mund të konfirmojmë se pak para orës 13:00 në Autostradën Ibrahim Rugova, në zonën e Malishevës ka ndodhur një aksident trafiku, ku janë përfshirë një automjet dhe një kamion. Si pasojë e aksidentit, bazuar në informacionet e deritanishme, shtatë persona kanë pësuar lëndime. Njësitet relevante policore janë duke u marrë me rastin”, tha Kelani.

Dëshmitar në vendin e ngjarjes ishte edhe zëdhënësi i Shëndetësisë, Faik Hoti.

12:56

Aksident i rëndë në autostradën “Ibrahim Rugova”

Një aksident i rëndë trafiku ka ndodhur rrugës për Prizren, në autostradën “Ibrahim Rugova”.

KOHA ka siguruar një foto nga vendi i ngjarjes ku shihet një veturë e dëmtuar, derisa nuk dihet nëse ka të lënduar. Dëshmitarët thanë se brenda veturës ishte një familje 5-anëtarëshe. 

KOHA gjithashtu ka provuar të marrë informacione nga Policia e Kosovës por ende askush nuk është përgjigjur.