Ky është 13-vjeçari Aldin Hyseni, i cili tashmë është në klasë të 5-të dhe mësimet i vijon në shkollën model “Qamil Batalli” në Prishtinë.
Sipas së ëmës, Ilmie Hyseni, rruga e tij drejt shkollës është lehtësuar nga intervenimet e fundit në infrastrukturë.
Ajo flet për entuziazmin e Aldinit që ka për të ardhur në shkollë.
Pos ashensorit, edhe tualetet brenda shkollës janë të përshtatshme për fëmijët me aftësi të kufizuara.
Drejtori i shkollës, Liridon Maliqi, thotë se i gjithë strukturimi i objektit ishte bërë në atë mënyrë që secili nga fëmijët t’i ketë kushtet e mira .
Për shkak të hapësirave gjithëpërfshirëse ka nxënës që vijojnë mësimin këtu, ndonëse kanë shkolla të tjera në vendbanimet e tyre.
Sipas Kaltërina Misinit nga “Handikos”, vetëm një përqindje e vogël e fëmijëve me aftësi të kufizuara ndjekin mësimet në shkolla.
Përveç shkollave, edhe hapësirat e tjera publike jo gjithmonë kanë qasje për të gjithë.
-
21 janar 2021 18:04
-
Shpërndaje në: