Anëtarët e Kuvendit të Komunës së Malishevës, të hënën, kanë miratuar vendimin për bartjen e 150 mijë eurove me qëllim të menaxhimit të situatës së krijuar me koronavirus. Në seancën e jashtëzakonshme, drejtuesit e pushtetit lokal kanë vlerësuar se kjo komunë është më e prekura me COVID-19 në nivel vendi.
Kryesuesi i KK-së, Rrahim Morina, ka theksuar se prej 94 të infektuarve në nivel vendi, 33 prej tyre janë nga Komuna e Malishevës, raporton KOHA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kjo do të thotë se Malisheva është njëra ndër komunat më të rrezikuara nga kjo pandemi”, ka thënë ai, duke sqaruar se ai bashkë me shefat e grupeve të këshilltarëve dhe me kryetarin e Komunës janë pajtuar për thirrjen e seancës së jashtëzakonshme.
Kryetari i Komunës, Ragip Begaj, ka paraqitur gjendjen aktuale në këtë komunë dhe ka shprehur nevojën për ndarjen e mjeteve me qëllim të marrjes së masave shtesë për parandalimin e përhapjes së koronavirusit, sikurse edhe mbështetjen për familjet në nevojë gjatë kësaj situate.
“Gjendja në Komunën e Malishevës nuk është e mirë... Malisheva e banë barrën më të rëndë në nivel vendi”, ka thënë Begaj, teksa ka rikujtuar edhe shqetësimet e shprehura në adresë të nivelit qendror. Ai ka theksuar se Shtabi Emergjent lokal është në veprim dhe se po bën përpjekje për menaxhimin e situatës aktuale.
Ndërsa drejtori për ekonomi dhe financa, Valon Mazreku, ka pohuar se kërkesa për bartjen e mjeteve nga investimet kapitale te mallrat e shërbimet është hartuar bashkërisht mes zyrtarëve të KK-së e ekzekutivit dhe se shuma totale e mjeteve për menaxhimin e situatës aktuale është 150 mijë euro.
Shkrimin e plotë mund ta lexoni në gazetën Koha Ditore. Klikoni këtu për t’u regjistruar falas.