Kosovë

KDTP-ja kërkon kthimin në post të ish-drejtorit të Financave në Prizren

KDTP-ja kërkon kthimin në post të ish-drejtorit të Financave në Prizren

Anëtarët e KDTP-së në Kuvendin e Komunës së Prizrenit kanë kërkuar që ish-drejtori i Financave, Ertan Simitçi, të kthehet në vendin e tij të punës. Këtë kërkesë e ka paraqitur edhe publikisht zëvendëskryesuesi i KK-së, që vjen nga radhët e partisë turke, Sencar Karamuço, gjatë seancës së fundit të organit më të lartë vendimmarrës lokal, teksa po diskutohej raporti për evidentimin dhe inkasimin e llogarive të arkëtueshme.

Karamuço ka theksuar se hartimi i këtij raporti është realizuar falë iniciativës së ish-drejtorit Simitçi dhe ka shtuar se kolegu i tij partiak ka kryer detyrën me përkushtim ndaj interesit publik, shkruan sot Koha Ditore.