“Avonet”: “Bashkimi i qytetit” rrezikon qytetarët dhe objektet përreth në Ferizaj
Organizata joqeveritare “Avonet”, e cila po monitoron projektin e quajtur “Bashkimi i qytetit”, ka bërë të ditur se ai po përcillet me një varg defektesh, parregullsish dhe dilemash.
Sipas kësaj organizate, projekti nuk ofron siguri për qytetarët derisa ende nuk janë vendosur 850 shtylla (pilot) sigurie, të cilat janë të domosdoshme për ta ruajtur bazën e objekteve që ndodhen afër vendpunishtes, shkruan sot Koha Ditore.
Kenan Gashi, drejtor në këtë OJQ, ka thënë se pilotët nën tokë është dashur të vendoseshin me kohë për të krijuar siguri për objektet dhe qytetarët, mirëpo deri tashti një gjë e tillë nuk ka ndodhur. Përveç kësaj, ai sqaron se monitoruesit kanë hulumtuar se në këtë projekt nuk është bërë ndonjë studim i fizibilitetit apo ndonjë studim gjeomekanik i tokës i cili, sipas tij, është i domosdoshëm para se të nisin punimet.
“Ekzekutivi i kësaj komune ka dështuar të ofrojë siguri për qytetarët derisa po e ndërton projektin ‘Bashkimi i qytetit’. Fillimisht nuk janë vendosur 850 pilotë në thellësi të tokës për ta ruajtur bazamentin e projektit dhe të objekteve të tjera të cilat janë të frekuentuara vazhdimisht me qytetarë. Si pasojë e moskrijimit të sigurisë për qytetarët para pak ditësh kemi pasur edhe një incident derisa një shtyllë e energjisë elektrike afër këtij projekti ka rënë mbi një kafene duke lënduar disa qytetarë. Ne kemi monitoruar punimet dhe kemi konstatuar se ky projekt nuk ofron siguri për qytetarët”, ka kritikuar Gashi.
(Artikullin e plotë mund ta lexoni sot në “Koha Ditore”)
